10 avril 2024 à 11:40
Temps de lecture : 1 min
Temps de lecture : 1 min
La chenanna pachâ, lè j’infan è ti hou k’âmon fithâ la fin de l’evê l’an fê de la boura pê Bulo. Chta fin dè chenanna, l’è ou toua dou velâdzo dè Bro dè fére a ronhyâ lou gougenè.
Kamintran l’è ‘na viye fitha. N’in d’a ke l’âmon bin, n’in d’a on bokon min… Pouârtè pâ bin, ha galéja kothema l’è adi bin in ya!
Li a dè chin bin kotyè j’an, le velâdzo d’Innê organijâvè achebin le kamintran. On bokon parto din lè méjon è lè kâvè, li avê dè tyè chè rèdzoyi la gardyèta è bringâ ‘na vouêrbèta!
Hou bi kortéje l’an adi on mache dè chukchè è lè gajètè dè kamintran; ke l’avan on bokon pêrdu dè têrin l’an rèprê de la ya. A la Rotse kemin a Bro, hou gajètè fan a rire lè dzin de la kotse è di j’alintoua.
Lè j’infan âmon bin ha fitha è lè dzouno achebin! Chta fin dè chenanna, a Bro, n’in d’a po ti l’è go! On mache dè piti «bar» avu de la mujika po to le mondo.
Din chi velâdzo, ou pi dè ha grôcha Din, i dyon ke l’è por là, la Bènichon. Adon li arè dè tyè chè tsandji lè j’idé è fithâ chin in ouârdre po hou ke volon!